პატრიოტთა ალიანსის ერთ-ერთი ლიდერი, გოჩა თევდორაძე On.ge-სთან საუბარში განმარტავს, რომ პარტიის გამარჯვების შემთხვევაში, უმაღლესი განათლება (ბაკალავრიატი) ნებისმიერი სტუდენტისთვის სრულად დაფინანსდება.

მისი თქმით, ერთიანი ეროვნული გამოცდების სისტემა დარჩება, ხოლო სკოლის საატესტატო გამოცდები გაუქმდება, რადგან პარტია მიიჩნევს, რომ მოსწავლის ცოდნას მხოლოდ ერთი გამოცდა უნდა საზღვრავდეს.

ის ასევე ამბობს, რომ პარტია სტუდენტური თვითმმართველობის ინსტიტუციის გაუქმებას არ გეგმავს:

"როდესაც სრულ დამოუკიდებლობაზე ვსაუბრობთ, სტუდენტურ თვითმმართველობას შეინარჩუნებს თუ არა უნივერსიტეტები, ეს მისი გადასაწყვეტია”.

ხოლო რაც შეეხება სტუდენტთა დასაქმებას, თევდორაძე აცხადებს, რომ პრობლემის აღმოსაფხვრელად ქვეყანაში მეცნიერებატევადი ტექნოლოგიები უნდა განვითარდეს.

ვრცლად პოლიტიკური სუბიექტების საარჩევნო პროგრამების შესახებ ინფორმაცია შეგიძლიათ იხილოთ აქ:

პარტიების დაპირებები და ხედვა განათლების სისტემის შესაცვლელად