ოთხი წლის წინ, ამერიკელმა ისტორიკოსმა და ხელოვნების პროფესორმა ენდრიუ ტელონმა ნოტრ-დამის ეკლესიის ციფრული რუკის შესაქმნელად ლაზერები გამოიყენა. მისმა ნამუშევარმა შესაძლოა პარიზის ღვთისმშობლის ტაძარი "იხსნას".

უფრო ზუსტად კი, გამანადგურებელი ხანძრის შემდეგ, ისტორიული ნაგებობის არქიტექტურის ნახვა და მისი გოთიკური სტრუქტურის გაცნობა კვლავ შესაძლებელია, რადგან ტელონის წყალობით პარიზის ღვთისმშობლის ტაძრის თითქმის სრულყოფილი ციფრული ასლი არსებობს.

ტელონმა ნოტრ-დამის სივრცული რუკის შესაქმნელად მილიარდზე მეტი ლაზერული წერტილი გამოიყენა.

მისი უნიკალური ნამუშევარი შესაძლოა არქიტექტორებს დაეხმაროს ცეცხლით განადგურებული ნაგებობის ნაწილის აღდგენაში.

ისტორიკოსი 2018 წლის დეკემბერში გარდაიცვალა, თუმცა ციფრულმა მოდელმა, რომელიც მან მსოფლიოს დაუტოვა, შესაძლოა ისტორიული ძეგლის აღდგენაში გადამწყვეტი როლი შეასრულოს, რადგან ის დეტალურად აღწერს პარიზის ღვთისმშობლის ტაძარს იქამდე, სანამ მას ცეცხლი დააზიანებდა.

ამავე თემაზე: