თბილისში, რუსთაველის გამზირზე, პანორამა თბილისის მშენებლობაზე 3 მუშა დაშავდა. გავრცელებული ინფორმაციით, ისინი მშენებლობიდან გადმოვარდნენ.

როგორც On.ge-ს სასწრაფო სამედიცინო დახმარების პრესსამსახურმა განუცხადა, ორი დაშავებული ამტელ ჰოსპიტალში, ერთი კი ინგოროყვას კლინიკაში გადაიყვანეს. შინაგან საქმეთა სამინისტროს ინფორმაციით, მათ ჯანმრთელობას საფრთხე არ ემუქრება.

შინაგან საქმეთა სამინისტროს ინფორმაციით, მომხდარზე გამოძიება 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.