საქართველოს ახალგაზრდა იურისტთა ასოციაციის თავმჯდომარის სულხან სალაძის განცხადებით, ერთ-ერთ მოქმედ მოსამართლეს, რომელიც ჩინჩალაძე-მურუსიძის კლანის წევრი არ არის, კაბინეტში შეურაცხმყოფელი ფოტოკოლაჟი დაახვედრეს და გააფრთხილეს.

სულხან სალაძემ ამ მუქარასთან დაკავშირებით საქართველოს პარლამენტშის ისაუბრა და მოგვიანებით რუსთავი 2-თან განმარტა. სულხან სალაძის თქმით, უხამსი პოსტერით მოსამართლეს კონკრეტული მესიჯი გადასცეს.

"ეს ადამიანი, ვისთანაც მე მქონდა საუბარი, როგორც ამბობდა, ჩაკეტილი ოთახი იყო, რომლის გასაღებიც მას ჰქონდა, მეორე დღეს დახვდა ღია და სამუშაო მაგიდაზე იყო ფურცელი ამობეჭდილი პრინტერიდან, სადაც უცენზურო გამოსახულება იყო წარმოდგენილი. მოქმედი მოსამართლეა", — განაცხადა სალაძემ.

ის ფიქრობს, რომ ეს იყო შეტყობინება ყველა იმ მოსამართლის მიმართ, რომლებსაც შეიძლება ჰქონდეთ მცდელობა, იყვნენ ამ სისტემაში დამოუკიდებლები.