"დღევანდელი საღამო არ გამოგვივიდა მშვიდი, მაგრამ ხიდან ხეზე, აუცილებლად გადაფრინდება ჩიტი", — ასე გამოეხმაურა განათლებისა და კულტურის კომისიის თავმჯდომარე, ირაკლი პატარიძე ბათუმის საკრებულოში დღეს, 12 აპრილს ტერენტი გრანელთან დაკავშირებით მომხდარ ჩხუბს.

"ტერენტი გრანელი პოეტიცაა და პროზაიკოსიც", — ამბობს პატარიძე და თავად ტერენტი გრანელსა და საზოგადოებას ბოდიშს უხდის.

საკრებულოში მომხდარი ჩხუბის მიზეზი ტერენტი გრანელის ბიუსტის დადგმის საკითხი გახდა. დადგენილების პროექტში ტერენტი გრანელი მოხსენიებული იყო, როგორც ქართული პროზის გამორჩეული წარმომადგენელი. ირაკლი პატარაძემ ტერენტი გრანელი პროზაიკოსად მოიხსენია, რის შემდეგაც ოპოზიციამ მოითხოვა განმარტება, ეს იყო ტექნიკური შეცდომა, თუ უმრავლესობა ტერენტი გრანელს როგორც პროზაიკოსს იცნობს.