მარტოხელა დედამ, ამელიამ, რომელიც შტორმის დროს საკუთარი ორი წლის ბავშვთან ერთად ხის ტოტებს ებღაუჭებოდა, რათა არ ჩამოვარდნილიყო, ხეზე იმშობიარა. შტორმმა 700-ზე მეტი ადამიანი იმსხვერპლა. ოჯახი ორი დღის შემდეგ მეზობლებმა გადაარჩინეს.

"ჩემს 2 წლის შვილთან მარტო ვიყავი, როდესაც წყალმა სახლში შემოსვლა დაიწყო. სხვა არჩევანი არ მქონდა და მასთან ერთად ხეზე ავძვერი", - ამბობს ამელია გაეროს ბავშვთა ფონდის წარმომადგენელთან.

ამელია და მისი შვილები ამჟამად დროებით საცხოვრებელში ცხოვრობენ და თავს კარგად გრძნობენ.

იგივე ისტორია შეემთხვა როზიტა მაბუიანგოს დაახლოებით 20 წლის წინ, როდესაც წყალდიდობის დროს დედამისმა ის ხეზე გააჩინა.

ფოტო: UN

ადგილობრივ ჟურნალთან საუბრისას, როგორც დედამისი, სოფია ამბობს, მშობიარობა ძალიან, ძალიან მტკივნეული იყო:

"ვყვიროდი და ვტიროდი. პერიოდულად ვფიქრობდი, რომ მშობიარობა მეწყებოდა, თუმცა ამაში დარწმუნებული არ ვიყავი და მეგონა, რომ შიმშილის გამო მტკიოდა მუცელი. ძალიან ბევრმა ადამიანმა დაკარგა ყველაფერი წყალდიდობის დროს, მე კი რაღაც შევიძინე".