გარდაცვლილ დემურ სტურუას ოჯახი, გოდერძი თევზაძის კანონის სრული სიმკაცრით დასჯის გარდა, სამტრედიის პოლიციის სხვა თანამშრომლების დაკავებასაც ითხოვს. სტურუას ოჯახის წევრები პროკურატურას საქმის ეფექტური გამოძიებისკენ მოუწოდებენ.

გარდაცვლილის დედის, ნონა ჯოჯუას თქმით, თევზაძე რომ დამნაშავე არ ყოფილიყო, სტურუა წერილში მას არ მოიხსენიებდა:

"ის წერილი დემურის დაწერილია, რატომ ახსენა გოდერძი და არა სხვა. კიდევ საწინააღმდეგოდ როგორ ლაპარაკობენ. მე ექსპერტი არ მჭირდებოდა, როგორც ვნახე ის წერილი, მე იმ წუთს ვთქვი, რომ ეს არის დემურის დაწერილი. მე რომ ვუთხარი გოდერძი თევზაძეს, რა გინდოდა, რას ეძებდი ჩემს შვილთან, საქმე მქონდაო. საქმე თუ ჰქონდა, ღამის 2 საათზე რატომ მივიდა და რატომ დღე არ მიაკითხა".

სტურუას საქმეზე ბრალდებულის, გოდერძის თევზაძის სასამართლო სხდომა 15 სექტემბერს გაიმართა და მოსამართლემ ის წინასწარ პატიმრობაში დატოვა.