სამხრეთ ოსეთის დე ფაქტო რესპუბლიკის ლიდერმა, ანატოლი ბიბილოვმა საპარლამენტო არჩევნები 2019 წლის 9 ივნისს დანიშნა. ბიბილოვმა შესაბამისი განკარგულება 25 მარტს გამოსცა.

2004 წლის შემდეგ პირველად ოკუპირებულ სამხრეთ ოსეთში საპარლამენტო არჩევნები შერეული, პროპორციული-მაჟორიტარული სისტემით გაიმართება. ამჟამად დე ფაქტო საკანონმდებლო ორგანოში 20 მანდატით უმრავლესობას პარტია ერთიანი ოსეთი წარმოადგენს.

დე ფაქტო რესპუბლიკის პარლამენტი ერთპალატიანია და მასში 34 დეპუტატი შედის, რომლებსაც ხუთწლიანი ვადით ირჩევენ. არჩევნებში მონაწილეობის უფლება აქვთ 21 წელს მიღწეულ პირებს.