ბათუმის რეფერალურ საავადმყოფოში 28 წლის ქალი გარდაიცვალა. ოჯახის წევრები ექიმებს არასწორი დიანოზის დასმასა და არასწორ მკურნალობაში ადანაშაულებენ. ისინი მკურნალი ექიმის გათავისუფლებას და დასჯას მოითხოვენ. პროტესტის ნიშნად მათ ბაგრატიონის ქუჩა გადაკეტეს.

ოჯახის წევრების განცხადებით, გარდაცვლილს ხვალ დაკრძალავენ, მაგრამ მანამდე მას რამდენიმე წუთით რეფერალური საავადმყოფოს ეზოში დაასვენებენ, რათა "ექიმებმა საკუთარი პასუხისმგებლობა იგრძნონ".

მომხდარზე გამოძიება სისხლის სამართლის კოდექსის 116-ე მუხლით დაიწყო, რაც სიცოცხლის გაუფრთხილებლობით მოსპობას გულისხმობს. დანაშაული ისჯება თავისუფლების აღკვეთით ვადით სამიდან ხუთ წლამდე.