პარლამენტის თავმჯდომარე ირაკლი კობახიძემ პარტიების, ევროპული საქართველოსა და თავისუფალი დემოკრატების გაერთიანება შეაფასა და განაცხადა, რომ მათ ოპონენტებს პრინციპები არ აქვთ.

"როდესაც საუბარი იყო მურუსიძეზე, ჩინჩალაძეზე და კონკრეტულ გვარებზე შალვა შავგულიძე გამოდიოდა და თავის პრინციპულ პოზიციას აფიქსირებდა. დღეს ეს ადამიანი დგას გირგვლიანის მკვლელების გვერდით. ეს ყველაფერი მეტყველებს იმაზე, რომ ადამიანები, რომლებიც რაღაცეებზე გვედავებიან არ აქვთ არანაირი პრინციპები", — განაცხადა კობახიძემ.

თავისუფალმა დემოკრატებმა და ევროპული საქართველომ შუალედური არჩევნებისთვის ერთიანი ბლოკი შექმნეს. მათ მთაწმინდის მაჟორიტარად საერთო კანდიდატი შალვა შავგულიძე წარადგინეს.

თავისუფალი დემოკრატების წევრი შავგულიძე ევროპულმა საქართველომ აქამდე პროკურორის თანამდებობაზეც წარადგინა. თუმცა, შავგულიძემ კანდიდატურა მოხსნა.