Facebook და Instagram შეფერხებით მუშაობს. როგორც მომხმარებლები წერენ, ისინი ვერ აგზავნიან ფოტოებსა და ხმოვან ფაილებს. გარდა ამისა, ზოგიერთი მომხმარებელი ვერ დებს პოსტებს ჯგუფში და ვერ წერს კომენტარებს. შეფერხებით მუშაობს რეკლამებიც.

რაც შეეხება ინსტაგრამს, აქ ხარვეზი კიდევ უფრო საგრძნობია: რთულად იტვირთება ფოტოები, აპლიკაციის ჩატში შესვლა შეუძლებელია.

აღნიშნულ პრობლემას ფეისბუქის ოფიციალური ანგარიში ტვიტერზე გამოეხმაურა:

"ვიცით, რომ მომხმარებლების ნაწილს ფეისბუქის აპლიკაციებთან დაკავშირებული პრობლემები აქვს. ვმუშაობთ ამ პრობლემის გამოსწორებაზე".

თუ DownDetector-ს დავუჯერებთ, პრობლემა უამრავ ქვეყანაში ფიქსირდება, მათ შორის: ინგლისში, პერუში, ინდოეთში, კანადაში, თურქეთში და ასე შემდეგ.