სუპერმარკეტების ქსელ ფრესკოს დამფუძნებელმა, ვასილ სოფრომაძე ფეისბუქით პოლიტიკოსებისადმი ვიდეომიმართვა გაავრცელა. როგორც მან ვიდეომიმართვაში განაცხადა, ფინანსთა სამინისტროს თანამშრომლები მისი მაღაზიებიდან პროდუქციას იპარავენ და იარაღს "ატრიალებენ".

"თქვენ მართლა გინდათ, რომ დაგიდოთ კადრები, როგორ იპარავენ თქვენი თანამშრომლები, პასუხს ვაგებ ყველა ჩემს სიტყვაზე, როგორ იპარავენ თქვენი თანამშრომლები, თქვენი დეპარტამენტების წამყვანი სპეციალისტები როგორ იპარავენ ჩემს მაღაზიაში, როგორ ატრიალებენ იარაღს ჩვენი დაცვის თანამშრომლების და ახალგაზრდა გოგონების წინაშე თქვენი თანამშრომლები, დაცვის თანამშრომლები. გინდათ დაგიდოთ ეს ყველაფერი?

არც იმის განცდა მაქვს, რომ თქვენ მე ამას თქვენი გაგებით შემარჩენთ. ჩემი მისამართი ხომ იცით? სად არის ჩემი სათაო ოფისი ხომ იცით? ყველა ჩემი საქმე ხომ იცით? ყველა ინფორმაცია ხომ გაქვთ ჩემზე? გელით, მე გელით", — განაცხადა ვასილ სოფრომაძემ.

ბიზნესმენმა თავისი მიმართვა გირჩის განცხადების კრიტიკით დაიწყო და განაცხადა, რომ სამინისტრო ფინანსურ პრობლემებს უქმნის:

"მე ხმას ვიღებ, მე ვლაპარაკობ, მე ვიბრძვი. და მერე რა? ერთი წელია ჰაერში ვყავარ დაკიდებული ფინანსთა სამინისტროს საგადასახადო სტრუქტურებს, რომლებმაც ყველა რეგლამენტის დარღვევით, ვერ დადეს საგადასახადო დასკვნა, ვინაიდან იციან, რომ სიმართლეს არ შეესაბამება... მერე რა, რომ ამის შესახებ ღიად ვილაპარაკე? მერე რა, რომ პროკურატურაში სარჩელი შევიტანე? მერე რა, რომ ფინანსთა მინისტრს მივწერე? რამე შეიცვალა?" — ამბობს სოფრომაძე.

მისივე თქმით, ქვეყანა "ამ მდგომარეობამდე" პოლიტიკოსებმა მიიყვანეს და არა ბიზნესმენებმა. სოფრომაძე ქვეყანაში ბიზნესისადმი არათანაბარ დამოკიდებულებაზეც საუბრობს და აღნიშნავს, რომ კარფური დღგ-ს დღემდე არ იხდის.

"ბიზნესი საკადრის პასუხს გაგცემთ. როდესაც თქვენ გამოხვალთ თქვენი სახლებიდან, თქვენ, პოლიტიკოსებს გეუბნებით, ვერ ჩაასხამთ ბენზინს ჩვენს ბენზინგასამართ სადგურებში, ვერ იყიდით პროდუქტს ჩვენს მარკეტებში, ვერ მიიღებთ მომსახურებას ჩვენს ბანკებში და ჩვენ ამას აუცილებლად გავაკეთებთ", — ამბობს ვასილ სოფრომაძე.

ამავე თემაზე: