პარტია ქართული ოცნების ერთ-ერთმა ლიდერმა გიორგი ვოლსკიმ უზენაესი სასამართლოს მიერ რუსთავი 2-ის სარჩელის წარმოებაში მიღება შეაფასა მედიასთან საუბრისას.

ვოლსკი მიიჩნევს, რომ ყველა ინსტანციამ უნდა განიხილეს აღნიშნული საქმე, თუმცა იგი ირაკლი ოქრუაშვილის მიერ წარმოდგენილი დოკუმენტს მაინც ეჭვქვეშ აყენებს:

"ინსტანცია არ უნდა დარჩეს, სადაც ეს საკითხი არ იქნება გარჩეული და არ იქნება საზოგადოებისათვის სანდო გადაწყვეტილებები მიღებული. ყველაფერს პასუხი უნდა გასცეს სასამართლომ და ირაკლი ოქრუაშვილი არ არის ის ავტორიტეტი, რომელმაც შეიძლება რაიმე დოკუმენტი წარმოადგინოს და ეს აიღო და უეჭველად მიიღო".

4 სექტემბერს რუსთავი 2-ის ჟურნალისტმა, ნოდარ მელაძემ P. S.-ში განაცხადა, რომ მას გადასცეს დოკუმენტი, რომელშიც ჩანს, რომ ტელეკომპანიის წილის მფლობელი ირაკლი ოქრუაშვილია და არა ქიბარ ხალვაში. მისი განმარტებით, 5-პუნქტიანი შეთანხმება 2010 წლის თებერვალშია გაფორმებული.

ქიბარ ხალვაშის ადვოკატი, პაატა სალია რუსთავი 2-ის მიერ გასაჯაროებული დოკუმენტის ავთენტურობას არ ადასტურებს.

ამასთან, 9 სექტემბერს, უზენაესმა სასამართლომ რუსთავი 2-ის საკასაციო საჩივარი განსახილველად დაუშვა.