პირველი მაისიდან ბათუმის ბულვარში მოტოციკლით, კვადროციკლითა და ელექტრომობილით გადაადგილება იკრძალება. შესაბამისი გადაწყვეტილება ქალაქის საკრებულომ დღეს მიიღო.

ბათუმის საკრებულოში On.ge-ს უთხრეს, რომ აკრძალვა ქალაქში არსებულ ყველა პარკსა და სკვერზეც გავრცელდება. იდეა საინიციატივო ჯგუფ ბათუმის ბულვარს ეკუთვნის და მოტივად უსაფრთხო გადაადგილება და ტურისტებისთვის რეკრეაციულ ზონაში უსაფრთხო გარემოს შექმნა სახელდება.

ბათუმის ბულვატის დირექტორის, ირაკლი ჯინჭარაძის განცხადებით, პირველ მაისამდე ბულვარის ყველა შესასვლელსა და გასასვლელში შესაბამისი ამკრძალავი ნიშანი დამონტაჟდება.