დეპუტატმა შოთა შალელაშვილმა ქართული ოცნების ფრაქცია მრეწველები დატოვა, თუმცა ამბობს, რომ უმრავლესობაში მაინც რჩება.

"დადგა მომენტი, რომ შემეძლო გავსულიყავი ფრაქციიდან", — ამბობს შალელიშვილი და აცხადებს, რომ ირაკლი კობახიძესთან აზრთა სხვადასხვაობა დღესაც არსებობს პარლამენტში და უმრავლესობის ფორმატში დადგება ეს საკითხი.

"შემდეგ გვეცოდინება კობახიძესთან დაკავშირებით რა გადაწყვეტილებას მიიღებს პარტიის თავმჯდომარე. ჩვენთან პარლამენტში არის ხმები, ჰაერში დადის, რომ იმპიჩმენტს ამზადებენ და იქ უკვე გადაწყვეტს საპარლამენტო უმრავლესობა, თუ როგორ და რა", — აცხადებს შალელაშვილი.

დღეს, 4 მარტს ცნობილი გახდა, რომ უმრავლესობიდან გავიდნენ სოციალ-დემოკრატების ლიდერები, გია ჟორჟოლიანი და მირიან წიკლაური. ისინი საპარლამენტო საქმიანობას პატრიოტთა ალიანსთან ერთად გააგრძელებენ.

პარტია ქართული ოცნება 27 თებერვალს დატოვა დეპუტატმა ზვიად კვაჭანტირაძემ. მანამდე მოსამართლეების საკითხის გამო ქართული ოცნება დატოვეს ეკა ბესელიამ, გედევან ფოფხაძემ და ლევან გოგიჩაიშვილმა. მმართველი პარტია დატოვა ბექა ნაცვლიშვილმაც, მაგრამ განსხვავებული მიზეზით. მან ამ ფორმით გააპროტესტა ის, რომ პარლამენტმა დაგროვებით პენსიაზე მის კანონპროექტს მხარი არ დაუჭირა.

მმართველი პარტიიდან დეპუტატების წასვლის შემდეგ ქართულმა ოცნებამ საკონსტიტუციო უმრავლესობა დაკარგა.

ამავე თემაზე: