სოციალ-დემოკრატების ლიდერი გია ჟორჟოლიანი და ამავე ფრაქციის წევრი მირიან წიკლაური უმრავლესობას ტოვებენ და პატრიოტთა ალიანსთან ერთად გააგრძელებენ საპარლამენტო საქმიანობას.

"ჩვენ მივიღეთ გადაწყვეტილება, რომ მე და მირიან წიკლაურმა და პატრიოტთა ალიანმა ერთად გავაგრძელოთ საპარლამენტო ფრაქცია. პატრიოტთა ალიანსი — სოციალ დემოკრატები ასეთი კონფიგურაციით", — განაცხადა გია ჟორჟოლიანმა ტელეკომპანია რუსთავი 2-თან სატელეფონო ინტერვიუში.

პარტია ქართული ოცნება და ფრაქცია 27 თებერვალს დატოვა დეპუტატმა ზვიად კვაჭანტირაძემ. მანამდე მოსამართლეების საკითხის გამო ქართული ოცნება დატოვეს ეკა ბესელიამ, გედევან ფოფხაძემ და ლევან გოგიჩაიშვილმა. მმართველი პარტია დატოვა ბექა ნაცვლიშვილმაც, მაგრამ განსხვავებული მიზეზით. მან ამ ფორმით გააპროტესტა ის, რომ პარლამენტმა დაგროვებით პენსიაზე მის კანონპროექტს მხარი არ დაუჭირა.

მმართველი პარტიიდან დეპუტატების წასვლის შემდეგ ქართულმა ოცნებამ საკონსტიტუციო უმრავლესობა დაკარგა.

ამავე თემაზე: