ჰიუნდაის ახალი, 2019 წლის მოდელის, სანტა ფეს შეძენა ქართელ მომხმარებლებს უკვე ჰიუნდაი ავტო საქართველოს შოურუმში შეუძლიათ.

სანტა ფეს ახალი მოდელი ორიენტირებულია ოჯახზე, შესაბამისად თანამედროვე ტექნოლოგიებითა და სრულყოფილი უსაფრთხოების სისტემებითაა აღჭურვილი. კერძოდ, მის განსაკუთრებულ მახასიათებლებს წარმოადგენს:

• სენსორი, რომელიც უკანა სავარძელზე მგზავრის დარჩენის შემთხვეაში გამაფრთხილებელ სიგნალს იძლევა;
• "ჩაილდ ლოკი" - უკანა სავარძლიდან უსაფრთხოდ გადმოსვლის უზრუნველყოფა, რომელიც გვერდიდან მოძრავი ობიექტის აღმოჩენის შემთხვევაში ავტომატურად ბლოკავს კარს;
• პარკინგიდან უსაფრთხოდ გამოსვლის სისტემა, რომელიც იძლევა გამაფრთხილებელ სიგნალს და ავტომატურად ამუხრუჭებს მოძრავი ობიექტის აღმოჩენის შემთხვევაში;
• ავტომატური მუხრუჭი წინ მოძრავი დაბრკოლების აღმოჩენისას;
• ზოლში მოძრაობის დამხმარე სისტემა, ადაპტირებადი კრუის კონტროლი და ა.შ.

სპეციალური სისტემების დახმარებით, ავტომობილი მფლობელის ტარების მანერას სწავლობს და მას სისტემატურად აკვირდება, დაღლილობის აღმოჩენის შემთხვევაში კი შესვენებას სთავაზობს. მოდელს "კრელის" ბრენდის პრემიუმ აუდიო სისტემა, 7-ინჩიანი ციფრული საინფორმაციო დაფა, სრული ლედ ნათება, მართვის რეჟიმის კომფორტული, ეკონომიური და სპორტული ვერსიები აქვს.

Hyundai Santa Fe წარმოდგენილია ორი ძრავით:

პირველი ძრავა 4-ცილინდრიანია და ის ბენზინზე მუშაობს, მისი მოცულობა 2 400 კუბური სანტიმეტრია და მას საწვავის პირდაპირი შეფრქვევის სისტემა გააჩნია. მას 188 ცხენის ძალა და 6-საფეხურიანი გადაცემათა კოლოფი აქვს.

მეორე ძრავი 4-ცილინდრიანი ტურბო დიზელია, მისი მოცულობა 2 200 კუბური სანტიმეტრია. მას 200 ცხენის ძალა და სრულად ახალი 8-საფეხურიანი გადაცემათა კოლოფი აქვს.

აღნიშნული მოდელი ამერიკის შეერთებულ შტატებში ALG -ის მიერ წლის რედიზაინის ტიტულით არის დაჯილდოვებული.

"მოხარულები ვართ, რომ ქართველ ავტომოყვარულებს ჰიუნდაი სანტა ფეს ბოლო მოდელი წარვუდგინეთ. ეს არის საუკეთესო ავტომობილი ოჯახისთვის, რომელიც არა მარტო მძღოლის, არამედ მგზავრების სრული კომფორტისა და უსაფრთხოების უზრუნველყოფაზეა ორიენტირებული", - აცხადებენ ჰიუნდაი ავტო საქართველოში.

ჰიუნდაი სანტა ფესთან ერთად, თბილისის შოურუმში ამავე ბრენდის კიდევ 2 ახალი მოდელი - გრანდერი, სონატა ჰიბრიდი და ასევე განახლებული ტუსანია წარმოდგენილი.

ჰიუნდაი ავტო საქართველო მომხმარებლებს დამატებით აქციასაც სთავაზობს: თუ ისინი ახალ მოდელებს მარტის ბოლომდე შეიძენენ, საჩუქრად ჰიუნდაის სერვის ცენტრის ერთწლიან უფასო მომსახურებას მიიღებენ. აღსანიშანვია, რომ ჰიუნდაის ცენტრში შეძენილ ყველა მანქანას, გარბენის შეუზღუდავად, 5-წლიანი გარანტია აქვს.

ჰიუნდაი ავტო საქართველო 1997 წლიდან Hyundai Motor Company-ის ოფიციალური დისტრიბუტორია. კომპანიის სათავო ოფისი, შოუ რუმსა და სერვის ცენტრთან ერთად, რომლებიც უახლესი აპარატურითა და ტექნიკური მომსახურების ფართო ასორტიმენტითაა აღჭურვილი, თბილისში, აღმაშენებლის ხეივანის მე-12 კილომეტრზე მდებარეობს.