ბათუმის რკინიგზის სადგურზე შეიარაღებულმა თავდამსხმელმა უბნის ინსპექტორი დაჭრა, რის შემდეგაც სამართალდამცველებმა 1992 წელს დაბადებული ვ.მ პოლიციელზე თავდასხმის ფაქტზე დააკავეს. ინფორმაციას შინაგან საქმეთა სამინისტრო ავრცელებს.

უწყების ინფორმაციით, ბრალდებული ბათუმის რკინიგზის სადგურის ტერიტორიაზე ცივი იარაღით გადაადგილდებოდა, ხოლო შემთხვევა მას შემდეგ მოხდა, რაც სამართალდამცავებმა მას სიმშვიდისა და წესრიგის დაცვისკენ მოუწოდეს და მისი განიარაღება სცადეს.

გამოძიება სისხლის სამართლის კოდექსის 353-ე პრიმა მუხლით მიმდინარეობს, რაც გულისხმობს წინააღმდეგობას, მუქარას ან ძალადობას საზოგადოებრივი
წესრიგის დამცველისა ან ხელისუფლების სხვა წარმომადგენლის მიმართ.