როგორც დასავლური მედია იტყობინება, ჩრდილოეთ კორეის ხელისუფლებამ სარკაზმი აკრძალა და მოსახლეობას ყოველდღსიურ საუბრებში ირონიული გამოთქმების გამოყენება და კიმ ჩენ ინისა და მის რეჟიმის კრიტიკა აუკრძალა.

„ერთ-ერთი მაღალჩინოსანი პირადად შეხვდა მოსახლეობას, რათა ადგილობრივი ხელისუფლებისთვის სარკაზმის აკრძალვის შესახებ ეცნობებინა. ლექციის მთავარი გზავნილი იყო „მოკეტეთ“, ამბობს რადიო Free Asia-ს კორეული ბიურო.

გავრცელებული ცნობით, აკრძალულია როგორც პირდაპირი სარკაზმი არსებული რეჟიმის მიმართ, ასევე ირიბი, იუმორისტული ფრაზებით გამოხატული კრიტიკა.

მოსახლეობა გაფრთხილებულია, რომ რეჟიმის კრიტიკად აღიქმება ისეთი ფრაზებიც, როგორიც არის „სულელი, რომელიც გარესამყაროს ვერ ხედავს,“ რადგან ეს ფრაზა, შესაძლოა, კიმ ჩენ ინს გულისხმობდეს.