ორგანიზაცია არა ნაციზმს! ხელმძღვანელი, ნანა კაკაბაძე ე.წ. კანონიერი ქურდების წინააღმდეგ კანონის გამკაცრებას აპროტესტებს. ის ამბობს, რომ განვითარებულ ქვეყანებში მსგავსი კანონი არ არსებობს და ეს ფაშისტური მიდგომაა.

"ასეთი სახის კანონმდებლობა არის სწორედ იმ ღირებულებების ნგრევა, რომელსაც უფლებადამცველები უნდა იცავდნენ და ვფიქრობდი, რომ ამას [კანონის გამკაცრების ინიციატივას] მოჰყვებოდა სერიოზული კამპანია ქვეყანაში", — ამბობს კაკაბაძე.

ის ხელისუფლებას ე.წ. კანონიერი ქურდების დევნაში ადანაშაულებს და ამბობს, რომ სახელმწიფო მსგავსი მიდგომებით აიძულებს ადამიანებს, დატოვონ ქვეყანა.

"ანუ თუ ადამიანი ამბობს, რომ ქურდული მენტალობის ვარ ან წარმოვადგენ ასეთ პიროვნებას, მას ჩადენილი აქვს თუ არა დანაშაული, ამ კანონით მიეცემა სახელმწიფოს საშუალება, ის განდევნოს ქვეყნიდან ან მოათავსოს გისოსებს მიღმა", — აღნიშნავს კაკაბაძე.