წლევანდელი ოსკარი გამორჩეული მხოლოდ იმით არ ყოფილა, რომ წამყვანი არ ჰყავდა. გაგიკვირდებათ და წელს ნომინანტთა შორის არ ყოფილა ჰოლივუდის ყველაზე ტიტულოვანი მსახიობი - მერილ სტრიპი.

გარდა იმისა, რომ სტრიპი ნომინირებული არ ყოფილა, მას წლევანდელ შოუზე არც ერთი ნომინაცია წარუდგენია და ის საერთოდ ოსკარს არც დასწრებია.

რა თქმა უნდა ეს ამბავი არ გამოჰპარვიათ ტაბლოიდებს და შეეცადნენ ამისგან სკანდალი შეექმნათ. თუმცა მათი კოვზი ნაცარში ჩავარდა, რადგან სტრიპს ცერემონიაზე დასწრებაზე უარის თქმა მხოლოდ ერთი მიზეზის გამო მოუხდა - ის გადაღებებზე იყო დიდ ბრიტანეთში.

სტრიპის გარდა ცერემონიას არ დასწრებიან სირშა რონანი, ემა უოტსონი და ტიმოთი შალამე, რომლებიც მერილთან ერთად იყვნენ გადასაღებ მოედანზე.

შეგახსენებთ, რომ ოთხივე მსახიობი მონაწილეობას იღებს გრეტა გერვიგის ახალ ფილმში Little Women, რომლის პრემიერაც 2019 წელს შედგება და დიდი ალბათობით მომდევნო წლის ოსკარის ერთ-ერთი მთავარი პრეტენდენტიც გახდება.