აშშ-ს ერთ-ერთი ყველაზე ცნობილი ესპანურენოვანი ჟურნალისტი ხორხე რამოსი კარაკასში, პრეზიდენტის სასახლეში ნიკოლას მადუროსთან ინტერვიუს დროს დააკავეს. რამოსი კარაკასში ინტერვიუსთვის ვენესუელელი ხელისუფლების მოწვევით ჩავიდა.

ტელეკომპანია Univision აშშ-ში ყველაზე ცნობილი ესპანურენოვანი არხია აშშ-ში. როგორც ჟურნალისტი ამბობს, ინტერვიუს დაწყებიდან, დაახლოებით 17 წუთში, ნიკოლას მადუროს დემოკრატიის დაბალ მაჩვენებელზე, ოპონენტების წამებასა და ჰუმანიტარულ კრიზისზე კითხვები არ მოეწონა. მისივე თქმით, ხორხე რამოსი და გადასაღები ჯგუფი მალევე დააკავეს, ხოლო აპარატურა და გადაღებული მასალა ჩამოართვეს. ისინი სამ საათში გაათავისუფლეს

ვენესუელის კომუნიკაციების მინისტრი გადასაღები ჯგუფის დაკავებას უარყოფს და აღნიშნავს, რომ ჟურნალისტმა მადუროს შეურაცხყოფა მიაყენა, როდესაც მკვლელი და დიქტატორი უწოდა.

ხორხე რამოსი არაესპანურენოვანი აუდიტორიისთვის ცნობილია, როგორც არალეგალი მიგრანტების უფლებადამცველი. 2015 წელს ერთ-ერთი პრესკონფერენციის დროს ჯერ კიდევ საპრეზიდენტო კანდიდატ დონალდ ტრამპთან ხანგრძლივ დებატებში შევიდა. საიმიგრაციო პოლიტიკის გამო ჟურნალისტი ტრამპს ხშირად აკრიტიკებს.