მთავარი პროკურატურის განცხადებით, ხელვაჩაურის რაიონულმა სასამართლომ ვაჟა ხოზრევანიძე დამნაშავედ სცნო ყოფილი ცოლის განზრახ მკვლელობის მცდელობაში სისხლის სამართლის კოდექსის 111-19-108-ე მუხლით. ბრალდებულს სასჯელის სახედ და ზომად განესაზღვრა თავისუფლების აღკვეთა 7 წლის ვადით.

საგამოძიებო უწყების ინფორმაციით, გამოკვლეული მტკიცებულებებით დადასტურდა, რომ 2016 წლის 31 მარტს, დაახლოებით 08:00 საათზე, ბათუმში მდებარე საცხოვრებელ სახლში ვაჟა ხოზრევანიძეს ყოფილ ცოლთან მ.ფ-სთან საყოფაცხოვრებო ნიადაგზე ურთიერთშელაპარაკება მოუვიდა, რა დროსაც ვაჟა ხოზრევანიძემ მოკვლის მიზნით, ნაჯახით მ. ფ.-ს თავის, ზურგისა და ხელის არეში სიცოცხლისთვის სახიფათო მრავლობითი ჭრილობები მიაყენა.

პროკურატურის ცნობით, ვაჟა ხოზრევანიძემ განზრახვის სისრულეში მოყვანა ვერ შეძლო, რადგან ფაქტის შემსწრე პირებმა მას წინააღმდეგობა გაუწიეს. სამართალდამცველებმა ვაჟა ხოზრევანიძე იმავე დღეს შემთხვევის ადგილზე დააკავეს.