უმრავლესობის დეპუტატი, ბექა ნაცვლიშვილი ამბობს, რომ თუ პარლამენტი მის ინიცირებულ საპენსიო რეფორმას არ დაუჭერს მხარს, უმრავლესობას დატოვებს. ამის შესახებ მან პლენარული სხდომის დაწყებამდე რუსთავი 2-თან საუბრისას განაცხადა.

"მე ვიცი, რომ ბოლოჯერ შევდივარ. იმიტომ, რომ მე განწყობები დავინახე, დავინახე ჩემი კოლეგების მიერ გაკეთებული განცხადებები ამ ჩემს საპენსიო სისტემასთან დაკავშირებით", — აღნიშნა ნაცვლიშვილმა.

On.ge-ს დამაზუსტებელ კითხვაზე გულისხმობდა თუ არა დეპუტატი პარლამენტის დატოვებას ნაცვლიშვილმა დადებითი პასუხი გასცა.

8 იანვარს, ბექა ნაცვლიშვილმა განაცხადა ისიც, რომ თუ უმრავლესობა უზენაესი სასამართლოს მოსამართლეთა იმ შემადგენლობას დაუჭერს მხარს, რა სიაც იყო შესული მაშინ ის პარტიას დატოვებდა.