ეკონომიკის მინისტრმა, გიორგი ქობულიამ განაცხადა, რომ უწყებას აპირებს შექმნას მოძრავი აქტივების რეესტრი. მისი თქმით, საქართველოში ეს სისტემა პრაქტიკულად არ არსებობს, რაც ართულებს ფინანსირების მოზიდვას.

"დღეს მარტო უძრავი გირაო შეიძლება იყოს ჩადებული და მოძრავი გირაოს რეესტრის შექმნა მოგვცემს საშუალებას, რომ კიდევ უფრო გაზარდონ კომპანიებმა წვდომა ფინანსირებაზე. მაგალითად, სხვა ქვეყნებში როგორც ვიცით შეიძლება მოსავალი ჩადოს კომპანიამ. დღეს ჩვენთან არ შეუძლია ეს ფერმეს. ამიტომაც ეს ზღუდავს მას ფინანსირების მოზიდვაში", — განმარტა მინისტრმა.

დარგობრივი ეკონომიკისა და ეკონომიკური პოლიტიკის საპარლამენტო კომიტეტის სხდომაზე გამოსვლისას მინისტრმა 2019 წლის სამოქმედო გეგმა წარადგინა.