ხორავას ქუჩაზე მკვლელობის საქმეზე ერთ-ერთი მსჯავრდებულის ადვოკატი, რამაზ ჩინჩალაძე აცხადებს, რომ სააპელაციო სასამართლოში პროკურატურას ის ჩვენება მიაქვს, რაც მას აწყობს. მისივე ცნობით, რამდენჯერაც კალანდია მიდის დაკითხვაზე, ეს იქნება საგამოძიებო ორგანო თუ სასამართლო, ყოველთვის რადიკალურად განსხვავებულ ჩვენებებს აძლევს. ადვოკატი აცხადებს, რომ არსებობს, კალანდიას სხვა ჩვენებები, რომელიც ბრალდების მხარეს არ აწყობს და სხდომაზე არ წარუდგენია:

"წინა სხდომაზე მოწმე აცხადებდა, რომ ის ორჯერ იყო დაკითხული გამოძიებაში. პროკურორმა მოითხოვა მხოლოდ ერთი ჩვენება, სადაც კალანდიასთან დაკავშირებით არაფერს არ ამბობს, კონკრეტული მოწმე. ჩემ მიერ დასმულ კითხვაზე, მას არ ახსოვდა ეჭირა თუ არა ხელში დანა და გადასცა თუ არა სხვას. მე მოვიპოვე ოქმი, რომლის მიხედვითაც მოწმე აცხადებს, რომ დიახ, კალანდიას ხელში მან დაინახა დანა. ბრალდების მხარეს არ აწყობდა ეს ოქმი და ამიტომ არ მოიტანა სხდომაზე... პროკურატყრა თავდაპირველ ვერსიას ადგას ისევ, იმ უსაფუძვლო ვერსიას, რაც გააბათილა პივრლმა ინსტანციამ. კალანდიას რეაბილიტაციას ცდილობს ბრალდების მხარე".

ხორავას ქუჩის საქმეზე შეცვლილი ჩვენებები

2018 წლის მარტის ბოლოს დაიკითხა მიხეილ კალანდია, რომელიც პირველ დეკემბერს მომხდარ კონფლიქტში მონაწილეობდა და ამ საქმის ე.წ. პირდაპირი მოწმეა. ეს ის მოზარდია, რომელიც 51-ე სკოლასთან დეიდაშვილის, მირზა სუბელიანის შვილის თხოვნით მივიდა და "საქმის გასარჩევად" მეგობრები მიიყვანა.

კალანდიამ ჩვენება ხუთჯერ შეცვალა. სამჯერ გამოძიებისას, ორჯერ კი სასამართლოში, ფიცის ქვეშ. კალანდიამ პირველად თქვა, რომ ბრალდებულ არასრულწლოვნებს ჩხუბის დროს დანა არ ჰქონიათ. მომდევნო პროცესზე კი მოწმემ ჩვენების შეცვლა გასულ პროცესზე ბრალდებული მეგობრების დაცვის სურვილით ახსნა. კალანდიამ სასამართლოზე დეტალურად ისაუბრა, თუ ვის ეჭირა დანა, ვინ ურტყამდა დანას. მან ასევე თქვა, რომ თავად მოგვიანებით, რამდენიმე წამით შევიდა ფარდულში გასაშველებლად. კალანდიას მიერ შეცვლილი საბოლოო სცენარი, ემთხვევა პროკურატურის ვერსიას.

სასამართლომ საქმეზე ბრალდებული ორივე არასრუწლოვანი დავით სარალიძის მკვლელობის ნაწილში გაამართლა. ერთ-ერთი მოზარდი დამნაშავედ სცნეს მხოლოდ დავით სარალიძის განზრახ მკვლელობის მცდელობისთვის. სასამართლოს განაჩენით, დავით სარალიძის მკვლელი უცნობია.

გაიგეთ მეტი: 1 წელი ხორავას ქუჩის ტრაგედიიდან — მოკლედ