საპარლამენტო უმრავლესობის წევრი, ეკა ბესელია იურიდიულ საკითხთა კომიტეტის სხდომას არ ესწრება. ეს პირველი სხდომაა, რომელიც ახალი თავმჯდომარის, ანრი ოხანაშვილის არჩევის შემდეგ გაიმართა.

როგორც კომიტეტის სხდომიდან On.ge-ს ჟურნალისტი იუწყება, ბესელია სხდომაზე რამდენიმე წუთით მივიდა, დასწრების სიას ხელი მოაწერა, შემდეგ კი დატოვა. დეპუტატი On.ge-სთან აცხადებს, რომ სხდომაზე უკან დაბრუნებას არ აპირებს.

იურიდიულ საკითხთა კომიტეტს თითქმის ორი წელი თავად ეკა ბესელია ხელმძღვანელობდა. მაშინ მან თქვა, რომ თანამდებობას უზენაეს სასამართლოში უვადოდ 10 მოსამართლის არჩევის პროცესის შესაჩერებლად ტოვებდა.