მმართველი გუნდის წევრი, ეკა ბესელია ამბობს, რომ უმრავლესობის დღევანდელ შეხვედრაზე 4 საკითხის განხილვა უნდა. საპარლამენტო უმრავლესობის შეხვედრა ქართული ოცნების ოფისში მიმდინარეობს.

4 საკითხი, რომლის განხილვაც ეკა ბესელიას სურს

  1. სამუშაო ჯგუფის ფორმატის ცვლილება. ბესელიას მიაჩნია, რომ მოსამართლთა შერჩევის კრიტერიუმებსა და პროცედურაზე პარლამენტმა უნდა იმსჯელოს და ამ პროექტის დაწერა არ უნდა მოხდეს იმ მოსამართლეების მონაწილეობით, რომლებსაც თავად სურთ უზენაესი სასამართლოს მოსამართლეობა.
  2. მოსამართლეების უვადოდ დანიშვნის პროცესი შეჩერება. ბესელიას სურს, რომ ამ საკითხზე უმრავლესობა შეთანხმდეს.
  3. მოსამართლეთა შერჩევის კრიტერიუმებისა და პროცედურების კანონში მიღება. მისი თქმით, ეს იქნება ახალი მექანიზმი, რომელიც რისკებს დააზღვევს და მოსამართლეთა შერჩევის პროცესს ჯანსაღს გახდის.
  4. იურიდიული კომიტეტის თავმჯდომარის საკითხზე მსჯელობა. ბესელიას თქმით, დიდი მნიშვნელობა აქვს იმას, რომ კომიტეტის ახალი თავმჯდომარე იმ ფასეულობებისა და ღირებულებების დამცველი იყოს, რომელსაც მისივე თქმით, ისინი იცავენ.