საქართველოს მართლმადიდებელი ეკლესიის პატრიარქი, ილია მეორე რუსეთის პატრიარქს კირილეს ინტრონიზაციის 10 წლისთავს ულოცავს. იუბილესთან დაკავშირებული მიღება რუსეთის საპატრიარქოში 31 იანვარს გაიმართა.

ღონისძიებაში ხუთ ადგილობრივ ეკლესიასთან ერთად საქართველოს დელეგაციაც მონაწილეობდა. დელეგაციის შემადგენლობაში იყვნენ ატენისა და გორის მიტროპოლიტი ანდრია, ნიკორწმინდის ეპისკოპოსი ვახტანგი და დეკანოზი კახაბერ გოგოტიშვილი. სწორედ მათ ჩაუტანეს კირილეს ილია მეორის მისალოცი წერილი:

"უკვე ათი წელი გავიდა, რაც უფლის ნებით თქვენ უმაღლესი იერარქის ჯვარს ატარებთ. ამ დროისა და მთელი თქვენი ცხოვრების განმავლობაში, თქვენ უდიდესი ინტელექტუალური და სულიერი ძალისხმევა გაიღეთ იმისთვის, რომ თქვენი წვლილი შეგეტანათ არამხოლოდ რუსული მართლმადიდებელი ეკლესიის გაძლიერებაში, არამედ მართლმადიდებლობის განმტკიცებაში.

გილოცავთ, რადგან თქვენი ძალისხმევითა და მისიონერული შრომით მილიონობით ადამიანი რწმენაში განმტკიცდა, გახსნილია არაერთი მონასტერი და ეკლესია. გაჩნდა განათლების, კულტურისა და ქველმოქმედების ცენტრები. ღვთის სამსახურში ათობით და ათასობით მღვდელმსახურია...

ჩვენს რთულ და მოულოდნელობებით სავსე დროს ჩვენ ყველას განსაკუთრებული განსაცდელები და პრობლემები გვაქვს. მაგრამ ახლა თქვენ, ჩვენ და მთელი მართლმადიდებელი სამყარო დიდი გამოწვევის წინაშე აღმოვჩნდით და ბევრ საკითხში ჩვენს ქმედებებზეა დამოკიდებული, თუ როგორ გარემოში ვიცხოვრებთ ხვალ", — ნათქვამია პატრიარქის წერილში.

ფოტო: რუსეთის საპატრიარქო

გორისა და ატენის მიტროპოლიტი ანდრია მისალოცი წერილის კითხვისას

ფოტო: რუსეთის საპატრიარქო

კირილეს ინტრონიზაციის 10 წლისთავის აღსანიშნავად საზეიმო მიღება გაიმართა კრემლის სახელმწიფო დარბაზში. აქ დამსწრეებს სიტყვით პრეზიდენტმა, ვლადიმერ პუტინმა მიმართა. ღონისძიებას საქართველოს დელეგაციას ესწრებოდა.

ფოტო: რუსეთის პრეზიდენტის ადმინისტრაცია

ფოტო: რუსეთის პრეზიდენტის ადმინისტრაცია

ფოტო: რუსეთის პრეზიდენტის ადმინიტრაცია