2019 წლის დადგომა ბევრი მიზეზით არის განსაკუთრებული. ერთ-ერთი მთავარი კი არის ის, რომ მალე საშუალება გვექნება გავიგოთ, თუ როგორ გრძელდება სელესტის, მედელინის, ჯეინის, რენატასა და ბონის ისტორია. დიახ, HBO-ს სერიალი Big Little Lies მეორე სეზონით სწორედ წელს ბრუნდება.

მაყურებელს ერთი სული აქვს ნახოს 2017 წელს, ემისა და ოქროს გლობუსის გამარჯვებული საუკეთესო მინისერიალი ნიკოლ კიდმანის, რიზ უიზერსპუნის, ლორა დერნის, შეილინ ვუდლის, ზოი კრავიცისა და ამიერიდან უკვე ცოცხალი ლეგენდის, მერილ სტრიპის მონაწილეობით.

თუ გავრცელებულ ცნობებს დავუჯერებთ, დიდი პატარა ტყუილები ეთერში ივნისში დაბრუნდება. ცოტა ხნის წინ კი მეორე სეზონიდან ახალი ფოტოც გავრცელდა, რომელიც შოუს მოლოდინს კიდევ უფრო გაგიმძაფრებთ.

სავარაუდოდ, მეორე სეზონის მთავარი თემა მერილ სტრიპის მიერ, რომელიც ალექსანდრ სკარსგარდის დედის როლს ასრულებს, შვილის სიკვდილის რეალური მიზეზის დადგენაა.

ამას მოწმობს HBO-ს მიერ გავრცელებული 2019 წლის სატელევიზიო სეზონის ტიზერიც, რომელშიც სწორედ სტრიპის პერსონაჟის ფრაზა ისმის, სადაც ამბობს, რომ აინტერესებს რა მოხდა იმ ღამეს, როდესაც მისი შვილი მოკვდა.

ამავე თემაზე: