მოლდოვის დედაქალაქ კიშინიოვის აეროპორტში აფხაზეთის ე.წ. საგარეო საქმეთა მინისტრის მოადგილე ოლეგ არშბა მაშინ დააკავეს და შემდეგ დაადეპორტეს, როდესაც ის მოლდოვის ტერიტორიაზე არსებულ არაღიარებულ დნესტრისპირეთში აპირებდა გამგზავრებას.

მოვლენას ე.წ. დნესტრისპირეთის მოლდავური რესპუბლიკაც ეხმაურება და აცხადებს, რომ არშბა მათი მიწვევით მიემგზავრებოდა არაღიარებულ რესპუბლიკაში:

"ეს მოლდოვის პოლიტიკურ სისუსტესა და უმწიფრობაზე მეტყველებს, ისინი ცდილობენ პრიმიტიული გზებით შეუშალონ ხელი დნესტრისპირეთის საერთაშორისო კავშირებს".

ოლეგ არშბა სასაზღვრო პოლიციამ პირველ სექტემბერს ჯერ დააკავა, შემდეგ კი დაადეპორტა.