რამდენიმე დღის წინ, 16 იანვარს, სავარაუდოდ, გაზის აფეთქებას დიდ დიღომში ოთხი ადამიანის სიცოცხლე ემსხვერპლა. გამოძიება ჯერ არ დასრულებულა, თუმცა შინაგან საქმეთა სამინისტრომ გაზგამანაწილებელი კომპანიის, ყაზტრანსგაზ-თბილისის ორი თანამშრომელი დააკავა.

On.ge საქართველოს ენერგოომბუდსმენს, სალომე ვარდიაშვილს ესაუბრა. მისი თქმით, გაჟონვის დროს ადამიანები ვერ ხვდებიან, რომ ცუდად არიან. გთავაზობთ მის შვიდ რჩევას, რომელიც გაზის მოხმარების დროს აუცილებლად უნდა გაითვალისწინოთ.

რეკომენდაციები

  1. დეტექტორის შეძენა (ფასი 20-დან 50 ლარამდე) და სამზარეულოში დამონტაჟება;
  2. არ იყოს სახლში ყველა ფანჯარა ბოლომდე დახურული;
  3. სახლის განიავება;
  4. ყველა საეჭვო შემთხვევაში, როცა შესაძლებელია სადარბაზოში ან სახლში აირი ჟონავდეს, გაზგამანაწილებელი კომპანიის საავარიო სამსახურისთვის მიმართვა. თუ არ მოვლენ შეთანხმებულ დროს დარეკეთ ხელახლა, იმდენჯერ, სანამ რეაგირება არ მოხდება;
  5. საავარიო სამსახურის თანამშრომლებს შეამოწმებინეთ ყველა საეჭვო ადგილი. სუნის არსებობის შემთხვევაში გამოიძახეთ ხელახლა;
  6. გაზზე მომუშავე დანადგარების დაყენებისას გამოიძახეთ პროფესიონალი ხელოსნები;
  7. გამოცვალეთ გაზის ხელსაწყოების შიდაწვის კამერები, თუ ამის რეკომენდაცია არსებობს.

ცხელი ხაზის ნომრები

  • ყაზტრანსგაზ-თბილისი — 114;
  • სოკარგაზი — 16 114.

ამავე თემაზე: ტესტი: იცი თუ არა გაზის უსაფრთხოდ მოხმარების წესები