მწვანე მინდორისა და ლურჯი ცის ფოტო, სახელად Bliss, შეიძლება ისტორიაში ყველაზე ხშირად ნახვადი სურათი იყოს. ის მილიარდზე მეტ ადამიანს გამოუყენებია როგორც დესკტოპის ფონად, ისე სქრინსეივერად. თუმცა, ცოტამ თუ იცის მისი ისტორია და ადგილსამყოფელი.

ფოტოს ავტორი ამერიკელი ფოტოგრაფი ჩარლზ ო'რეარია. 1996 წელს ის თავის შეყვარებულთან სან-ფრანცისკოსკენ მიემართებოდა, როცა კალიფორნიის ქალაქ სონომაში შენიშნა, რომ გაზაფხულის წვიმის შემდეგ, ცა ლაჟვარდოვანი, ხოლო მინდორი განსაკუთრებულად ხასხასა მწვანე იყო.

ო'რეარის სიტყვებით, ის მანქანიდან გადავიდა და სურათი გადაიღო. ის Fujifilm-ის Velvia-ს ფირს იყენებდა, რაც ფერებს სიხშირეს მატებს. ფოტოგრაფი ამბობს, რომ მას ფოტო არ დაურედაქტირებია და ისე ატვირთა ბილ გეითსის მიერ შექმნილ და სურათების გასაყიდ საიტ Corbis-ზე.

2000 წელს, ჩარლზმა მაიკროსოფტისგან ზარი მიიღო, სადაც მას სურათის ოპერაციულ სისტემაში გამოყენებაზე ნებართვა სთხოვეს. ო'რეარმა სურათზე ყველა უფლება გაყიდა, სიეტლში ჩაფრინდა და სურათი ფაილი მათ პერსონალურად გადასცა.

2001 წელს გამოვიდა Windows XP და სურათი მილიარდობით ადამიანის კომპიუტერის ეკრანზე გამოჩნდა.

ფოტო: Pologoomba

ადამიანები ხშირად სტუმრობენ იმ ადგილს, სადაც ჩარლზმა ცნობილი ფოტო გადაიღო, თუმცა იდეალური სცენა თითქმის აღარასდროს აღბეჭდილა ისე, როგორც ეს 23 წლის წინ მოხდა.

2006 წელი

ფოტო: Simon Goldin

2017 წელი

ფოტო: Exoplanetaryscience

გუგლის რუკაზე თქვენი კომპიუტერებისთვის ცნობილი ადგილი აი ასე გამოიყურება:

2015 წლის მაისი

2016 წლის მაისი

ფოტო: Google Map Data 2017