ესპანეთის ქალაქ სეგოვიაში ეშმაკის ქანდაკება გამოჩნდა, რომელმაც მეტისმეტად მეგობრული და სასიამოვნო გამომეტყველების გამო ადგილობრივების უკმაყოფილება გამოიწვია.

ბრინჯაოს ქანდაკება ქალაქის ლეგენდის გამო შეიქმნა, რომლის მიხედვითაც, ეშმაკს გოგო თავის სულს შეჰპირდა, თუ წყალსადენს მანამ აუგებდა, სანამ მამალი იყივლებდა. გოგომ მოგვიანებით თავისი გადაწყვეტილება ინანა, თუმცა, ბოლო აგურის დადებამდე მამალმა იყივლა და მან თავისი სული შეინარჩუნა.

ფოტო: City Of Segovia

ადგილობრივები მიიჩნევენ, რომ ეშმაკს, რომელიც წყალსადენზე ზის და სმარტფონით სელფს იღებს, განსაკუთრებულად მეგობრული სახე აქვს, რაც კათოლიკებისთვის შეურაცხმყოფელია. ათასობით ადამიანმა, ქანდაკების აღების მოთხოვნით პეტიციას ხელიც მოაწერა.

მოქანდაკის თქმით, ის მოქალაქეების კრიტიკით გაოცებულია. განსაკუთრებით იმის გამო, რომ თავადაც ადგილობრივია და 30 წელია, რაც სეგოვიაში ცხოვრობს. მისი თქმით, ამ ქანდაკების შეწირვით სურდა თავისი ქალაქის მიმართ მადლიერების გამოხატვა.

"მე მასში არც ფული არ ამიღია, ეს უბრალოდ ამ ლეგენდის გამო შექმნილი ქანდაკებაა, რომელიც იმ ქალაქს მივუძღვენი, რომელშიც ვცხოვრობ და ჩემს ადგილს ვუწოდებ. წარმოგიდგენიათ როგორ ვგრძნობ თავს?"

ფოტო: City Of Segovia

სეგოვიას მერის თქმით, კამპანია არასამართლიანია და ქანდაკების აღება ქალაქის გეგმებში არ შედის.