გორის რაიონში 9 თვის ბავშვი გარდაიცვალა. გარდაცვალების მიზეზი ამ ეტაპზე უცნობია, თუმცა როგორც On.ge-ს შინაგან საქმეთა სამინისტროში განუცხადეს საქმეზე გამოძიება სიცოცხლის გაუფრთხილებლობით მოსპობის მუხლით მიმდინარეობს.

გავრცელებული ინფორმაციით, ბავშვს ბებია უვლიდა, რადგან დედა გორის ერთ-ერთ კლინიკაში ინფექციურ დაავადებას მკურნალობდა. პირველი არხის წერს, რომ გარდაცვლილ ბავშვსაც ინფექციური დაავადება ჰქონდა და ის კლინიკიდან რამდენიმე თვის წინ გაწერეს. მათივე ინფორმაციით, ბავშვის ოჯახი ექსპერტიზაზე უარს აცხადებს.