შინაგან საქმეთა სამინისტროს ინფორმაციით, დააკავეს პირი, რომელსაც თიანეთში ორი კაცის მოკვლა და ერთის დაჭრა ედება ბრალად. უწყების ინფორმაციით, ბრალდებული მოსამართლის განჩინების საფუძველზე თბილისში დააკავეს.

"გამოძიებით დადგინდა, რომ ბრალდებულმა მიმდინარე წლის 3 იანვარს, დაბა თიანეთში შურისძიების მოტივით ორ პირს მათივე საცხოვრებელი სახლის ეზოში სასიკვდილო ჭრილობები მიაყენა, ხოლო ერთს განზრახ მკვლელობის მიზნით, ცეცხლსასროლი იარაღით სხეულის დაზიანება მიაყენა. დაჭრილი ამ დრომდე კლინიკაში განაგრძობს მკურნალობას", — აღნიშნულია შსს-ს გავრცელებულ განცხადებაში.

საქმეზე გამოძიება სისხლის სამართლის კოდექსის 19-190-ე მუხლის პირველი ნაწილის "გ" ქვეპუნქტითა და 109-ე მუხლის მესამე ნაწილის "ა" ქვეპუნქტით მიმდინარეობს. ამ მუხლებით ბრალის დამტკიცების შემთხვევაში დაკავებულს 16-დან 20 წლამდე ან უვადოდ თავისუფლების აღკვეთა ედება ბრალად.