და აი, ეს დღეც დადგა! ნეტფლიქსმა საბოლოოდ გაგვაგებინა, თუ როდის ვიხილავთ ბოლო დროის ერთ-ერთი ყველაზე წარმატებული სერიალის Stranger Things მესამე სეზონს.

უცნაური ამბები 2019 წლის 4 ივლისს დაბრუნდება, ზუსტად იმ დღეს, როდესაც აშშ დამოუკიდებლობის დღეს აღნიშნავს.

ახალ სეზონში მოქმედება 1985 წლის ზაფხულში ხდება. ტიზერი კი დიკ კლარკის წაყვანილი ახალი წლის ღამით იწყება, როდესაც ნიუ-იორკში, ტაიმ სკვერზე ბროლის ბურთი ეშვება.

უკანასკნელი წამების ათვლის დროს კი სავარაუდოდ, ჰოუკინსის ადგილობრივ ანძას ჰაკავენ და ტელევიზორის ეკრანზე გაურკვეველი ასოები ჩნდება, სადაც იწერება - როდესაც ლურჯი და ყვითელი დასავლეთში ერთმანეთს ხვდება.

შემდეგ კი ლინუქს კორპის კორპორატიული ჟარგონები იწერება, მაგალითად ისეთი, როგორიც არის - Run program SilverCatFeeds.exe და ა.შ.

ბოლოს კი ეკრანზე ფოიერვერკის ფონზე ამ სეზონის მთავარი სლოგანი იწერება - ერთ ზაფხულს შეუძლია ყველაფერი შეცვალოს.

ტიზერთან ერთად არხმა მესამე სეზონის პოსტერიც გამოაქვეყნა:

პოსტერში რამდენიმე მინიშნების ამოკითხვა შეიძლება:

  • პირველ რიგში ვხედავთ, რომ ბავშვების უკან დემოგორგონი დგას რომელიც მათკენ მიემართება;
  • დემოგორგონთან კი ვხედავთ ვირთხებსაც, რაც იმას ნიშნავს, რომ მესამე ნაწილში შესაძლოა ახალ მონსტრები "გავიცნოთ" - დემოვირთხები; ამაზე მინიშნება გვხვდება სერიალის მესამე სეზონის ერთ-ერთი ეპიზოდის სახელშიც - The Mall Rats.
  • ასევე, ტიზერში შავ ფონზე მწვანე ასოებით ეწერა - როდესაც ლურჯი და ყვითელი დასავლეთში ერთმანეთს ხვდებიან. ამ ფერის ტანსაცმელი კი პოსტერზე ილევენსა და მაიკს აცვიათ. რას უნდა ნიშანვდეს ეს ფრაზა?
  • გარდა ამისა, გასაკვირია ის ფაქტიც, რომ უკან მხოლოდ ილევენი და უილი იყურებიან.

ჩვენ ისღა დაგვრჩენია, დაველოდოთ ახალ სეზონს და ამ და სხვა საინტერესო კითხვებზე პასუხი მივიღოთ.