სააპელაციო სასამართლოში უვადოდ გამწესებული მოსამართლე ლევან მურუსიძე საგანგებო გაცხადებას ავრცელებს, სადაც წერს, რომ მის მიმართ არსებულ კითხვებზე საპასუხოდ სამი მზადაა მედიასთან, არასამთავრობო სექტორთან და პარლამენტარებთან შეხვედრი გამართოს.

ის წერს, რომ სურს, გამართოს საგნობრივი დისკუსია არასამთავრობო სექტორთან, დარგობრივ ექსპერტებთან და სწავლულ იურისტებთან. ის იმედს იტოვებს, რომ ამ ფორმატის ორგანიზებას არასამთავრობო სექტორი შეძლებს.

მას ასევე სურს ცალკე ფორმატით, ერთხელ ან რამდენჯერმე შეხვდეს კრიტიკული მედიის წარმომადგენლებს და უპასუხოს მათ ნებისმიერ კითხვას. ასევე, ის კიდევ ერთ სურვილს გამოთქვამს და ამბობს, რომ მზადაა შეხვდეს საქართველოს პარლამენტის უკლებლივ ყველა ფრაქციას და პირადად გამართოს მათთან დისკუსია.

ლევან მურუსიძის თქმით, რამოდენიმე დღის წინ საჯაროდ მიმართა არასამთავრობო გაერთიანებებს, რომ მათ გირგვლიანის საქმეში მისი პერსონალური ბრალეულობის ფორმულირება მოეხდინათ.

"თუ ეს ბრალდება დადასტურდებოდა, განვიხილავდი ჩემი გადადგომის საკითხს. თუმცა ამაოდ-ისინი ჯიუტად დუმან. დუმან იმიტომ, რომ არანაირი ფაქტი ამ საქმეზე ჩემს წინააღმდეგ არ არსებობს", — წერს ლევან მურუსიძე თავის განცხადებაში.

ის ამბობს, რომ უკვე წლების მიმართ ხორციელდება პოლიტიკურად მოტივირებული და მძლავრად ორგანიზებული ცილისმწამებლური კამპანია, რომელმაც "კულმინაციას თბილისის სააპელაციო სასამართლოს მოსამართლედ ჩემი უვადოდ განმწესების დღეებში მიაღწია"

"ჩემთვის აბსოლუტურად გასაგებია, რომ ჩემს წინააღმდეგ განსაკუთრებით აგრესიულად, მიზანმიმართულად და ცილისმწამებლურად გაილაშქრა ნაციონალურმა მოძრაობამ, ვინც პასუხისმგებელია სპეციალურად გირგვლიანის საქმესთან დაკავშირებით და ასევე ზოგადად კანონმდებლობაში განხორციელებულ ცვლილებებზე, რომლის პირობებშიც მომიწია ზემოაღნიშნულ საქმეზე გადაწყვეტილების მიღება და რომელმაც ფაქტიურად საკანონმდებლო მარწუხებში მოაქცია სასამართლო ხელისუფლება, ვინაიდან ამით ისინი შეეცადნენ საკუთარი პასუხისმგებლობის ჩემზე გადმოკისრებას", — აცხადებს ლევან მურუსიძე.

მისი თქმით, ის ამ უსამართლო დამღით ცხოვრების გაგრძელებას არ აპირებს. ამასთან, არაფრად უღირს მოსამართლის მანტია.

"თუ ბრალდებას პასუხი არ გავეცი და წერტილი არ დავუსვი ამ ბინძურ კამპანიას", — აცხადებს მურუსიძე.

ის იმედს გამოთქვამს, რომ უახლოეს პერიოდში მოხერხდება მისი სურვილით შეთავაზებები შეხვედრებისა და დისკუსიების ორგანიზება.

გაიგე მეტი: