საქართველოს უზენაესი სასამართლო 5 სექტემბერს, განიხილავს რუსთავი 2-ის საკასაციო საჩივრის დასაშვებობის საკითხს, ზეპირი მოსმენისა და საკონსტიტუციო სასამართლოს გადაწყვეტილების გარეშე. ამის შესახებ ტელეკომპანიას 30 აგვისტოს აცნობეს.

რუსთავი 2-ის გენერალური დირექტორი ფეისბუკის საკუთარ გვერდზე წერს, რომ შესაძლოა სასამართლომ არ მიიღოს განსახილველად საკასაციო საჩივარი:

"5 სექტემბერს, უზენაესმა სასამართლომ, კანონის ყველა შესაბამისი ნორმის დარღვევით, შესაძლოა არ მიიღოს განსახილველად ჩვენი საკასაციო საჩივარი და დაასრულოს არა მარტო რუსთავი 2ის საქმე, არამედ უარყოფითად გადაწყვიტოს ოქტომბრის არჩევნების ლეგიტიმურობის საკითხი და პერსპექტივა მოუკლას ქვეყნის დემოკრატიულ მომავალს".