ნაციონალური მოძრაობის დეპუტატის, რომან გოცირიძის განცხადებით, საპარლამენტო უმრავლესობამ "თვალთმაქცურ და სასაცილო ტაქტიკას მიმართა. ეს ტაქტიკა, გოცირიძის თქმით, ყველა მწვავე კითხვის დასმას გულისხმობს.

"თქვენ ახლა დაინახეთ ძალიან თვალთმაქცური და სასაცილო ტაქტიკა უმრავლესობის, რომლებმაც გადაწყვიტეს, რომ თურმე დაასწრონ ოპოზიციას და დასვან ყველა მწვავე შეკითხვა, რაც არსებობს ხელისუფლების მიმართ. ლამის ყველა დანაშაული ჩადენილი ამ ქვეყანაში მოისმინეთ მათი ენით და დღეს ეს ადამიანები ღვრიან ნიანგის ცრემლებს, როდესაც აფარებდნენ დანაშაულს ხელს დაა ხელს გვიშლიდნენ საგამოძიებო კომისიის შექმნაში", — განაცხადა რომან გოცირიძემ.

მის განცხადებას გამოეხმაურა ქართული ოცნების დეპუტატი დიმიტრი ხუნდაძე. მისი თქმით, უმრავლესობის დასმული "გულწრფელი კითხვები გულწრფელია".

დავით სარალიძის მკვლელობაზე კითხვა ჭარბობს კითხვებს შორის არა, იმიტომ რომ ზაზა სარალიძე აქ არის, არამედ იმიტომ, რომ ეს კითხვა პასუხგასაცემია", — განაცხადა დიმიტრი ხუნდაძემ.

საქართველოს პარლამენტში ამ წუთებში შინაგან საქმეთა მინისტრი, გიორგი გახარია პარლამენტარების კითხვებს ისმენს. დეპუტატების მთავარი კითხვები ხორავას ქუჩის საქმეს, გაზრდილ კრიმინალს, საარჩევნო პერიოდში დარღვევებსა და ველისციხის აქციის დროს დაკავებული პირების საქმეებს ეხება.