საერთაშორისო გამჭვირვალობა - საქართველო აცხადებს, რომ ფეისბუკის გვერდ ერთიანი პროვოკაციული მოძრაობის მეშვეობით ვრცელდება სააგიტაციო ხასიათის ვიდეომასალები, რომელიც მოქალაქეთა პოლიტიკური გაერთიანებების შესახებ ორგანული კანონით განსაზღვრულ შემოწირულებად მიიჩნევა.

ორგანიზაცია განმარტავს, რომ აღნიშნული გვერდის აქტივობები გულისხმობს პარტიის მიერ ფიზიკური ან იურიდიული პირისაგან უსასყიდლოდ ან ფასდაკლებით/შეღავათიანი პირობებით მიღებულ მატერიალურ ან არამატერიალურ ფასეულობას და მომსახურებას.

გამჭვირვალობა - საქართველო მიმართავს სახელმწიფო აუდიტის სამსახურს შეისწავლოს განხორციელებული შემოწირულობის კანონიერება. ორგანიზაცია მოითხოვს, რომ დადგინდეს:

  1. აკმაყოფილებს თუ არა შემომწირველი ფიზიკური ან იურიდიული პირი კანონით დადგენილ მოთხოვნებს;
  2. თუ რამდენად თავსდება განხორციელებული შემოწირულების ოდენობა კანონით განსაზღვრულ ფარგლებში.