ბოლო 30 წლის განმავლობაში სამყარო ორ ნაწილადაა გაყოფილი და არ ეზარება იმაზე დავა, არის თუ არა 1988 წლის კლასიკა კერკეტი კაკალი საშობაო ფილმი.

20th Century Fox-მა გადაწყვიტა კამათისთვის ბოლო მოეღო და მძაფრსიუჟეტიანი ფილმის ტრეილერი საშობაო ისტორიად გადააკეთა.

"Die Hard — საუკეთესო საშობაო ისტორია, რომელიც ოდესმე მოუყოლიათ", - ასე ჰქვია წუთნახევრიან ტრეილერს, რომელიც ფილმის 30-წლიან იუბილეს ეძღვნება. საშობაო მუსიკის თანხლებით კი ამბავს სასიამოვნო ხმა ყვება:

"ეს ჯონია. მას სურს, რომ შობა ოჯახთან ერთად გაატაროს". როგორც ელით, იდილია დიდხანს არ გრძელდება და ბრიუს უილისის გმირი, სახელად ჯონ მაკკეინი ანტიტერორისტულ ბრძოლაში ერთვება.

იმ შემთხვევაში, თუ კერკეტი კაკალის საშობაოდ გადახალისება დიდად არ გეპიტნავათ, აქვე გთავაზობთ ფილმის ორიგინალ ტრეილერსაც.