საქართველოში ამბასადორიალი 2018 გაიხსნა, რომელსაც საქართველოს პარლამენტი მასპინძლობს. ღონისძიება მიწვეული იყო საქართველოს პრეზიდენტი, სალომე ზურაბიშვილი, რომელიც ამბასადორიალზე არ მივიდა.

საგარეო საქმეთა სამინისტროს მიერ გუშინ გავრცელებულ პრესრელიზში ეწერა, რომ სიტყვით გამომსვლელებს შორის პრეზიდენტი სალომე ზურაბიშვილიც იყო.

საგარეო საქმეთა მინისტრის, დავით ზალკალიანის განცხადებით, სალომე ზურაბიშვილი უნდა დასწრებოდა ამბასადორიალს თუმცა, მან ადმინისტრაციული საქმეების გამო ვერ მოიცალა დიპლომატიური მისიების ხელმძღვანელებთან შესახვედრად.

სალომე ზურაბიშვილი დღეს მედიასთან ერთად ახალ რეზიდენციაში ათონელის ქუჩაზე მივიდა. სწორედ 18 დეკემბრიდან შეუდგება ის თავისი მოვალეობის შესრულებას და მედიისთვის განცხადებასაც გააკეთებს.