სამოქალაქო განათლების მასწავლებელი გურიიდან, ლადო აფხაზავა მასწავლებლის გლობალურ ჯილდოზე წარდგენილ 50 მასწავლებელს შორის მოხვდა.

ლადო აფხაზავა 2010 წლიდან სოფელ ჩიბათის სკოლაში სამოქალაქო განათლების მასწავლებლად მუშაობს. იგი 2017 წელს საქართველოში მასწავლებლის ეროვნული ჯილდოს მფლობელი გახდა.

"სწავლების პროცესში [ლადო აფხაზავა] გამორჩეულად იყენებს პროექტული სწავლების მეთოდოლოგიას. მუდამ ცდილობს მრავალფეროვანი და განსხვავებული იყოს მისი გაკვეთილი. ამისათვის არ ერიდება გაბედულ ნაბიჯებს და მოსწავლეებს ხშირად სთავაზობს განსხვავებულ გარემოში გაკვეთილების ჩატარებას. მისი ყველა მოსწავლე აქტიურად არის ჩართული სასწავლო პროცესში. მას სწამს, რომ მასწავლებელს ყველა მოსწავლის დაინტერესება შეუძლია", — წერია მასწავლებლის ეროვნული ჯილდოს ვებსაიტზე.