საქართველოს პარლამენტმა მხარი დაუჭირა საქართველოს პრეზიდენტის მიერ ეროვნული ბანკის საბჭოს წევრად წარდგენილ კანდიდატს პაპუნა ლეჟავას. ის ეროვნული ბანკის ვიცე-პრეზიდენტის, მურთაზ კიკორიას ადგილს დაიკავებს, რომელიც სებ-ის საბჭოში 2016 წლიდან მუშაობდა.

პარლამენტის საიტზე ატვირთული ბიოგრაფიის მიხედვით, პაპუნა ლეჟავა 2015 წლიდან საერთაშორისო საფინანსო კორპორაციაში IFC-ში ფინანსური ოფიცრის თანამდებობაზე მუშაობს. 2013-2015 წლებში ის მსოფლიო ბანკის აღმასრულებელი დირექტორის მრჩეველი იყო, ხოლო 2011-2013 წლებში საქართველოს ეროვნულ ბანკში ფინანსური რისკების განყოფილებას ხელმძღვანელობდა.