თურქეთში მომხდარი მანქანის აფეთქების შედეგად, 9 ადამიანი გარდაიცვალა, 64 მოქალაქე კი დაშავდა. გარდაცვლილთა შორის პოლიციის თანამშრომლებიც არიან. ინფორმაციას ამის შესახებ Reuters ავრცელებს.

შემთხვევა თურქეთის ქალაქ ჯიზრეში მოხდა, რომელიც სირიასა დ ერაყს ესაზღვრება და რომელშიც ძირითადად ქურთები ცხოვრობენ.

ადგილობრივი გამოცემა Anadolu-მ მომხდარში ქურთისტანის მუშათა პარტია დაადანაშაულა, რომელიც შეტაკებებში მონაწილეობას გასული წლის ივლისიდან იღებდა. თურქეთი, აშშ და ევროკავშირი აღნიშნულ პარტიას ტერორისტულ დაჯგუფებად მიიჩნევს.