ნიდერლანდების დედაქალაქში, ქალაქის მემარცხენე მთავრობამ ამსტერდამის ცნობილი ნიშანი, I Amsterdam აიღო, რის მიზეზადაც მისი "მეტისმეტი ინდივიდუალისტურობა" დაასახელა.

სლოგანი თავდაპირველად ეროვნული მუზეუმის წინ 2004 წელს გამოჩნდა, რის შემდეგაც, ფოტოების გადასაღებად ის ტურისტების ერთ-ერთ საყვარელ ადგილად იქცა.

ქალაქის მთავრობის განცხადებით, ამსტერდამის ნიშანი პროგრესულ ღირებულებებსა და საზოგადოების სულიერებას ეწინააღმდეგებოდა.

"I Amsterdam-ის ნიშანი ამბობდა, რომ ქალაქში ყველა ჩვენგანი ინდივიდუალურია. ახლა ჩვენ რაღაც განსხვავებულის ჩვენება გვინდა და ესაა ტოლერანტულობა, სოლიდარობა და მრავალფეროვნება", - ასე ახსნა ქალაქის საბჭოს წევრმა გადაწყვეტილება, რომელმაც მრავალი კითხვის ნიშანი დატოვა.