ქალი უფლებადამცველებისთვის კატო მიქელაძის პრემიის ერთ-ერთი გამარჯვებული ტრანსგენდერი ქალი აქტივისტი ნატა ტალიკიშვილი გახდა. ასევე პრემია გადაეცა ქალთა მოძრაობის ერთ-ერთ წევრს იდა ბახტურიძეს. კატო მიქელაძის პრემიისთვის სულ 14 ქალი ატივისტი იბრძოდა.

2013 წლიდან დღემდე, ყოველ 29 ნოემბერს, ქალი უფლებების დამცველთა საერთაშორისო დღეს, ქალთა ფონდი საქართველოში ქართველი ფემინისტის, აქტივისტის და პუბლიცისტის, ქართული სუფრაჟიზმის ფუძემდებლის და ქალთა ემანსიპაციისთვის მებრძოლის, კატო მიქელაძის სახელობის პრემიას გადასცემს ერთ ქალ უფლებადამცველს საქართველოში.

ღონისძიება ჩატარდა გენდერული ძალადობის წინააღმდეგ ბრძოლის 16 დღიანი კამპანიის ფარგლებში და მისი მხარდამჭერები არიან: გაეროს ქალთა ორგანიზაცია, გაეროს განვითარების პროგრამა, მამა ქეში და სიგრიდ რაუზინგ თრასთი.