ბიძინა ივანიშვილის მიერ დაფინანსებული ფილმის, ჰეროკრატიის რეჟისორმა, გოგა ხაინდრავამ მთავრობის მიერ მხარდაჭერილ საპრეზიდენტო კანდიდატს, სალომე ზურაბიშვილს თაიგული მეორე ტურის შემდეგაც მიართვა.

ხაინდრავამ, გვირილებით ხელში, ჟურნალისტებთან საუბრისას, ქართველ ხალხს გამარჯვება მიულოცა. მისი თქმით, რუსთავი 2-ისა და ნაციონალური მოძრაობისთვის "ვენოკი" აქვს შეკვეთილი.

"ვერასოდეს ვერ დაბრუნდება საბჭოთა კავშირი საქართველოში. აი, ეს თაიგული საქართველოს პრეზიდენტისთვის მიმაქვს", — განაცხადა ხაინდრავამ.

ხაინდრავამ ზურაბიშვილს პირველად თაიგული პირველი ტურის დასრულების შემდეგ, 28 ოქტომბერს მიართვა. მაშინ ის ზურაბიშვილს ერთადერთ ღირსეულ კანდიდატს უწოდებდა და ამბობდა, რომ ის უკვე საქართველოს პრეზიდენტი იყო.