თბილისში, ლუბლიანას ქუჩაზე, 54-ე საარჩევნო უბანზე კოორდინატორმა On.ge-ს ჟურნალისტს, სალომე ჩადუნელს სიტყვიერი და ფიზიკური შეურაცხყოფა მიაყენა. კოორდინატორი ჟურნალისტის კითხვამ გააღიზიანა.

მან ჟურნალისტს ჯერ მობილური დაგდებინა ხელიდან, შემდეგ კი მხარში ჩაარტყა ხელი. ის, სავარაუდოდ, მმართველი პარტიის კანდიდატის, სალომე ზურაბიშვილის მხარდამჭერი იყო, რადგან ჟურნალისტს "მიშას [სააკაშვილის] მიერ ფულის გადახდას" აბრალებდა.

ვიდეოში ისმის კოორდინატორებს შორის მეგრულ ენაზე კომუნიკაციაც. ერთ-ერთი კოორდინატორი მეორეს ეუბნება: "გეყოფა ახლა... საქმეს გვიფუჭებ ყველას... გამოვიდა აქ ყველაზე დიდი ტვინიკოსი... გაჩერდი-მეთქი ახლა..."

ინციდენტს შეესწრო ადგილზე მყოფი კრიმინალური პოლიცია და მათ ჟურნალისტის გამოკითხვა დაიწყეს.

ეს პირველი შემთხვევა არაა დღეს, როცა კოორდინატორებმა ჟურნალისტებს შეურაცხყოფა მიაყენეს.